ពណ៌លឿងដែលស្ថិតនៅផ្នែកខាងក្រោមនៃនិមិត្តសញ្ញា គឺជាតំណាងនៃតំបន់ហ្វាងសានប៊ុល ក្នុងទីក្រុងណុនសាន និងពណ៌ខៀវដែលស្ថិតនៅផ្នែកខាងលើ គឺតំណាងអោយផ្ទៃមេឃ។ តួអក្សរ "O" នៃពាក្យ "NONSAN" គឺតំណាងអោយព្រះអាទិត្យ និង តួអក្សរ "A" តំណាងអោយភ្នំ។ ខ្លឹមសារនៃនិមិត្តសញ្ញានេះ គឺតំណាងអោយសន្តិភាព និង ទីក្រុងណុនសានដែលស្រស់បំព្រងជាមួយនឹងមេឃដែលមានពណ៌ខៀវនៅពីលើទីវាលហ្វាងសានប៊ុល ដ៏ទូលំទូលាយ ព្រមជាមួយនឹងពន្លឺព្រះអាទិត្យចិញ្ចែងចិញ្ចាច និងធម្មជាតិពណ៌បៃតង។ ពាក្យ "Nonsan" ជាភាសាអង់គ្លេស គឺតំណាងអោយ ប្រជាជនទីក្រុងណុនសាន ដែលមានបែបផែនជីវិតរស់នៅប្រកបដោយសេរីភាព ស្ថេរភាព និងមានលក្ខណៈខុសប្លែកពីគ្នា។
លក្ខណៈពិសេសរបស់ទីក្រុងណុនសាន គឺជាផ្លែប៊ែរី ដែលគួរអោយចូលចិត្ត ដែលជា ផលិតផលតំណាងទីក្រុងមួយនេះតែម្តង ដោយផ្លែទាំងនោះមានឈ្មោះ ណូ-នី និង សាន-នី ដែលមានរូបរាងគួរអោយចូលចិត្តផងដែរ។
ជាទូទៅ បក្សីទឹម ត្រូវបានគេចាត់ទុកថាជានិមិត្តសញ្ញានៃ "ភាពសុខដុមរមនា" ដោយសារតែបក្សីប្រភេទនេះ តែងតែទៅណាមកណាជាគូជានិច្ច ដែលត្រូវបានចាត់ទុកថាជានិមិត្តរូបបែបធម្មជាតិលេខ 327។ សត្វបក្សីជាច្រើន នឹងមកកាន់អាងស្តុកទឹកវ៉ាងណាម (ស្ថិតនៅកាយ៉ាកូក-ម្យន) ដើម្បីឆ្លងរដូវរងារជារៀងរាល់ឆ្នាំ ដែលជាទិដ្ឋភាពធំជាងគេនៅក្នុងប្រទេស។ បក្សីទឹម ត្រូវបានគេចាត់ទុកថាជានិមិត្តសញ្ញានៃ "មិត្តភាព" និងនិមិត្តរូបនៃ"ភាពសុខដុមរមនារបស់ប្រជាជន"។
មូកុងហ្វាត្រូវបានគេដាំសំរាប់ការទស្សនា និងជាការលំអសំរាប់ការរស់នៅផងដែរ។ ផ្កាពណ៌លឿងដែលរីកស្គុះស្គាយនៅក្នុងខែមេសា គឺជាសញ្ញានៃការមករដល់នៃរដូវ ផ្ការីក។ ផ្កាមូកុងហ្វា គឺជានិមិត្តរូបនៃការចាប់ផ្តើមនៃថ្ងៃថ្មី និងសេចក្តីសង្ឃឹមនៃប្រជាពលរដ្ឋទៅថ្ងៃអនាគត។
វាដុះនៅតាមផ្លូវចូលទៅកាន់ភូមិឋាននានា ដែលបានផ្តល់ម្លប់ត្រឈឹងត្រឈៃ និងបានបន្ថែមសំរស់ដល់លំនៅដ្ឋានថែមទៀតផង។ ដើមឈើប្រភេទនេះ គឺជារុក្ខជាតិដែលតំនាងអោយទីក្រុងណុនសាន។
COPYRIGHTⓒ2018NONSAN CITY. ALL RIGHTS RESERVED